Para rematar o ano, e agardando que o 2013 nos permita amosar o noso traballo en moitos teatros, colgamos algunhas fotografías da maqueta da escenografía do noso espectáculo O HOME ALMOFADA, realizada por Luis Iglesias "Luchi". Como vedes, o resultado final é prácticamente idéntico, o que constata o bo facer deste gran profesional, sen a axuda do cal este proxecto non tería visto a luz.
lunes, 31 de diciembre de 2012
lunes, 10 de diciembre de 2012
ilMaquinario Teatro cos alumnos dos IES de Ourense
En primeiro lugar queremos comezar este post agradecendo os ánimos e a axuda prestada por todas aquelas persoas que fixeron posible este proxecto. Vós ben sabedes quen sodes, algúns da escola e outros de fóra, que seguides estando moi presentes nas nosas vidas.
O pasado mércores 5 de Decembro tivo lugar unha dobre representación do noso espectáculo O Home Almofada no Teatro principal de Ourense con grande éxito de público, dentro da actividade Novo Teatro, novos espectadores desenvolvido pola Concellaría de Educación da cidade e coordinada por Isabel Doval Ferro, que se atopa enmarcada no programa Teatro, Cine e Escola. A sesión da mañá foi especialmente intensa, xa que a ela asistiron uns 285 alumnos procedentes de Bacharelato, ciclos formativos e grupos de teatro escolares de diversos centros de ensino ourensáns: IES Portobello, O Couto, A Carballeira e Blanco Amor e Universidade Laboral.
Algúns dos alumnos asistentes
Os alumnos mostráronse moi interesados e atentos ao longo da representación, pero durante esta semana completaremos o traballo a través da realización dunha serie de obradoiros con eles nas aulas para poder coñecer as súas imprensións e intercambiar opinións acerca da peza en particular e do teatro como forma de expresión.
Promoción do espectáculo por José Lameiras
Suscribirse a:
Entradas (Atom)