Cartaz definitivo do espectáculo

Sae á luz o cartaz definitivo do noso primeiro espectáculo, que recordamos se estrea o 5 de Setembro no Auditorio de O Carballiño, ás 22:30 da noite!!!

O cartaz está deseñado por José Lameiras, sobre unha fotografía de AitorUve.

Na metade do proceso...

A falta de máis ou menos un mes para a nosa estrea, a cousa vai vento en popa. Os personaxes toman forma, corpo e voz de man de catro actores novos pero cunha grande experiencia. Catro personaxes que teñen en común unha infancia derrubada pola violencia que os rodeaba. Un thriller cruel pero fondamente tenro que agardamos sexa disfrutado polos espectadores tanto como nós estamos disfrutando construíndoo, vivindo uns ensaios intensos, duros e esixentes para unha peza igualmente dura e esixente.  Un teatro arriscado para tempos difíciles. O teatro que nestes tempos que corren, estimamos fondamente necesario.